عبدالله الوريكي الشمري

​ ‏ياقصيدي على غِشم العرب لاتعيل ‏ماطرقتك لاجل كثر العتب والسجال ‏فيك اترجم شعوري يالفريد الجزيل ‏يتسع فيك صدرٍ ينتمي لـ الشمال ‏اعتني فيك مانت احساس عابر سبيل ‏تمطرك شرد الافكار عذب الخيال ‏انت وشحتني سيف الجزاله صقيل ‏وانا وشحتك النفس العزيزه جمال ‏ماكتبت الهجاء ولا مدحت البخيل ‏ماشحذت العطيه في قصيدي سؤال ‏وماطرقتك حرام ولا عصيت الجليل ‏والمعاني طرايد واطرد اجزل حلال ‏وما وصفت العذارى وصف عنّي يزيل ‏الحياء يوم مثلي تكتسيه الخصال ‏صنت معناك عن نظم القصيد الهزيل ‏اصنعك باعتزازي وارفعك لـ الجبال ‏اعتبرتك لروحي ياقصيدي عديل ‏يابقايا رفاتي - لاطوتني الليال ‏في رجاء من هدَى للمسلمين الدليل ‏يجعلك للادب شاهد و مضرب مثال ‏ذاخرك لا غدى راسي في قبري نزيل ‏تنبت اوراق شعري في حديث الرجال

​.. عسى لقمة الغيبة ما يعتاشها ضرسي طواحين خلق الله على الخلق ضرّاسه غدت لحمة المسلم موائد بني جنسي على شفّة الفنجال ومراشف الكاسه لساني رهين الصمت وشفاي له حبسي ولا اكون مع من خاض فيها بمجلاسه انا خاشي المعبود جهري مع الهمسي سعيد الذي خوفك ياذ الجود هوجاسه لك الحمد ماتصدح تهاليل في حسّي لك الحمد عد اللي على الارض عسّاسه حمدتك من الخبزه الى جغمة الببسي الى النسمه اللي بالهوى نشهق انفاسه إلهي واعنّي للذكر واجعله غرسي في دارٍ جناها من تهاليل غرّاسه وتراتيل قرآنك مع فروضي الخمسِ وثوب التقى عبدالله العبد لبّاسه أقصّر مع الطاعه واجاهد هوى نفسي عسى الله يكفيني ملذات وسواسه شياطين جن وجندت غافل الإنسي تِشبّ الفتن وقليّل الدين مقباسه وانا عبدك اللي جاك تايب عن الأمسِ عظيم انت يااللي ماعلى بابك حراسه رجيت الرضا ياخالق العرش والكرسي على من خشاك وجاك ومطأطٍ راسه