عبدالله الوريكي الشمري

الجمال المسمى فيك، منك وإليك قلتها من ضمير اللي يشوف كتبّه ‏قدرة الله تجلت في حلا وجنتيك كيكتينٍ بوجهك شايلتها رقبّه ‏خطوتك بالهداوة ما تجي بالدبيك ‏للغنج تشرح أوضاع الدلع ل عربّه ‏وان مشيتي بطريقك، كل شيٍ يبيك ‏سقف بيتك تمنى لو يكون عتبّه ‏والأثاث بجلوسك مستعد يحتريك ‏كل قطعة دعاها ربنا لي جبّه ‏ولا تمثنيتي عودك، كل نسمة تجيك ‏كنها تقول: عطره بالهوى تسكبّه ‏والنحل لو تطعم من حلا سكريك ‏دم عرقك وريقك كان جاء وشربّه ‏والسماء فوق راسك واقفة وتحميك ‏عن سموم الدهر، من شرقه لمغربه ‏تاكل الغيم شمسك، ما تبي تصطليك ‏وتمسح الارض ظلك، ما تبي لك شبّه ‏مقدر أقول والله: ميّت القلب فيك ‏بس قلبي غدى لك جمرةٍ بحطبّه.

🔶- كنت اقول في يوماً من الأيام : تفضلي يامرحبا بين الاضلاع هذا مكانك دام قلبك مكاني صكك لحالك مايجي صكك مشاع ملكك هنّا بين الضلوع المحاني مشاعري ماهي بتشرى وتنباع الله على ساحل غرامك رماني فتوى محبه مستحبه بالاجماع جوارحي افتت بها من لساني ياراس مالي في حياتي والاطماع انتي ولا غيرك جماله خذاني لاتتركين اللي على شانكم باع اعز واغلا ماملكت بزماني انتي السحاب اللي روى ضامي القاع وانا الربيع اللي سحابك سقاني 🔶- أما اليوم أصبحت أقول : كل ٍ يوادع من محبينه وداع وانا وداعك ماتهيا وجاني رحتي مراويح النداوي اذا ضاع من كف صقار ٍ يعد الثواني وتلخبطت كامل حياتي والاوضاع ياليت ربي من قساتك عطاني هبهبت لك من واحة الحب ذعذاع وانتي هبوبك حر قيض ٍ شواني وصفيت لك كلي بلا زيف وخداع لا واحسايف ليت فادك حناني وتولجوني بين شامت وطمّاع وانا العزيز اللي يذم الهواني الله ياجرني على قلّ الاسناع وعلى السنين اللي مضت مع اناني

  يا صاحبي! لو توالي الناس ما والو يا صاحبي! لو توالي الناس ما والو مسافة البُعد لا تنقص لهم شبره.   لا ترخي السمع! إن قالوا أو احتالو، ولا تأمن إلا الذي يرقد وسط قبره.   وإن شفتهم دون سبّه يمّك انهالو، حولك طمع! سيل الأرياق من كبره.   وإن كان حبّك مثل حبّي، فلا طالو، من يعذل الحب فينا… ينتهي صبره!   وش هو يضر الغلا؟ حتى إذا قالو، عذالنا في علاقتنا… بدت نبره.   ما طفّف الحب غير أهله إذا اكتالو، وما يازن الحب كود اللي خذا خبره.   لا تنجرف بالسؤال! إن كانهم سالو، وتصير خيطٍ مكانه في قفى الإبره.   من مال دربه! عليه الناس ما مالو، وما ينطمع بالعظام اللي بلا هبره.   حنا نشيل الغلا من عرض ما شالو، وحنا نحافظ عليه… ونحسن الدبره.   وإن قالو الخلق فينا اليوم ما قالو، يا الله! نخط الهوى من دمّنا حبره.

يالله اني طالبك.. يا ذا الجلالي رحمتك يارب.. ب إحسان ومروفه تاهت احوالي.. ولابه راس مالي غير ربٍ.. نعبده.. ولا نشوفه يا إلهي.. لا تخليني لحالي يوم صدري ضاق وهمومه تحوفه احمّني.. مالي سوى رحماك.. والي واسقني.. من جود مدّاتك رشوفه اكفني يا ربّ عن حاجة سؤالي للوضيع اللي يسوّي لي بروفه ياخذ الحاجه معي بلسان حالي والنوايا.. غير ما تنطق حروفه خوّته دايم على درب الملالي يتّقي والسم مخفي وسط جوفه المواقف.. طيّحت كم وجه غالي لابسٍ شكل الخوي سارق وصوفه ممتطي له.. مجهمٍ حردا جفالي عسرةٍ.. وطباعها ماهي ولوفه ولا أنا.. مطيتي لي راس مالي مغترٍ.. تشمخ على الغير بوقوفه من ملكها.. خطوته ميسور فالي يقطع الغدراء بها.. ما بان خوفه امتعلّي.. في سنام أطيب حلالي فوق وضحاء.. نقوة الزين وعطوفه وردتنّي.. جمّة البير الزلالي والدغالب.. والوحل.. عجلا تطوفه بالإله المعتلي.. ربي اتكالي ثم فيها.. والزمن.. ندحم ظروفه ما أخاف.. من الجفا والإنخذالي من صفا قلبه.. فلا ذاق الحسوفه قالوا أهل العرف.. من أول وتالي باذل المعروف.. يحميه امعروفه ومن جميلي.. باني لي قصر عالي ومستظلٍ في ظلال العز روفه ما رجيت الناس.. لو أبقى لحالي...

انا البارحة شعري خذا رحلة استكشاف ‏كنيني… وبيّحت القوافي على العاده ‏لو اقدّم اعذاري.. واكثِر له استعطاف ‏رفضها.. مثل من يرفض الشاهي الساده ‏هجوسي.. قضا قاضي، ماينفع به استئناف ‏وحكمه.. علي نافذ، ولازمني اعداده ‏وشعر ٍ.. ما هو من قلب؟ يطلع لكم ينعاف! ‏مثل من.. على الرمضا، طبَخ للعرب زاده ‏ومادام القرايح.. ترفض الليلة الإنكاف ‏على من.. سكن قلبي، هماليل رعّاده ‏على من ملكني حكم بيتر ليوغسلاف ‏بدا الحرب في قلبي.. وصار الحشى بلاده ‏قصفني.. بنظراتٍ ، ما تخطي له استهداف ‏وشبّ الحرايق.. داخل الروح.. وقاده ‏ودفاع الولع.. برموشه الراجمات ضعاف ‏بنا مملكة حبّه معي.. وادرك مراده ‏له الامن.. والآمان، واللين والإنصاف ‏وانا لي.. خلو الدار، في داخل فواده ‏أنا واحد ٍ.. ما خالف السلم والاعراف ‏كتاب ٍ.. قراه اللي شكت عينه رماده ‏ولا استنزف الغالين.. في حبّي استنزاف ‏ونسخه.. مثل طبعي، صعب والله ايجاده ‏انا للغلا فارس… وانا ماني الخواف ‏اروض عذول الحب.. واناطح جياده ‏مشاعر .. لكم ترجمتها في جزيل القاف ‏وفكر شاعر ٍ.. يصعب على كل قصّاده ‏كتبت الشعر.. واسرفت في ذكركم اسراف ‏ولا طعت فيك الناس.. والناس نقّاده ‏...

يدين الآسى تضغط على قلبي المكتوم وتطحن بأناملها حنايا قفص صدري غدى وجهي الشاحب بلون التعب مرسوم حزن ينشر جنوده على وجنتي تجري أصارع همومٍ كنّها قضبة الجاثوم وعتادي بيدّي، ما بقى من ألم صبري الا ليت كلمة (ليت) ما هي مع الحلقوم أنا من سببها “ليت”، و”ليت” في فكري على الله والعزله خذت قسمها المقسوم مع الناس كنّي من هل البرزخ بقبري خذيت انعزالي خير، عن واقعٍ مشؤوم يبيع الأمل مسموم، للي يبي يشري وأنا نيّتي بيضاء نقاء مع صفاء غيوم توضّى السلام بماء وجهي، يبي طهري ومداهيل ديرتنا من أبها الين نيوم من الضيقة بصدري أشوفه كبر شبري يغيب النجم، وطيور صبحي بدت بالحوم وأنا طير همّي، ما يبي مفارقة وكري غدى راسي اللي من حساب الزمن مفطوم يمرّ الضحى، وأنا أحسب أني على فجري تقاويم خمس أعوام راحت مثل هاليوم كسوفي بميلادي، خسوفي على الهجري تفيض المشاعر طاقة إزعاج قبل النوم وأفيّض طرف ضيقي طواريق من شعري. يدين الآسى تضغط على قلبي المكتوم