عبدالله الوريكي الشمري

​.. ‏ياراسي اللي كنّ صكات الزمن بك تستجير ‏تزبن عليك وتاخـد الصكات.. هيبه واحتدام ‏اشهق مراجلك الكريمه.. والحسف خله زفير ‏ضاع العشم ماضاع لك أجرٍ مع اللي ماينام ‏يحفظ لك المعروف من وكلتهم خبز الشعير ‏ويجحد لك المعروف من قلطتهم راس السنام

​.. ضجيج الطواري يعلن الليلة استنفار ضجيج الطواري يعلن الليلة استنفار ‏يدور إجابات.. لسؤالٍ خذا فكري ‏مناخه سموم الصيف، حر وهبوب غبار ‏تطايَر عجاجه في حنايا قفص صدري ‏تشوف السوافي داخلي ترسم الآثار ‏بعضها بها ادري، بعضها بها مدري ‏على الله يا مزنة فرح سيلها هدّار ‏يقشّ الضجر وافكار سوداء علي تطري ‏أدور ذهيبه لو تجي تمسح الأكدار ‏إجابه تجي تزرع امل ضاع من سطري ‏من اللي حضوره طيف غطى على الحضّار ‏فلا غاب عن بالي، ولا غاب عن شعري ‏على صدق حبي له، متى للّقى يختار؟ ‏أبحيا معه مَيّت.. وانا ماني بقبري

.. ​ على جبين الصخى مرسوم لي جره ‏بذل العطا والكرم مشهود لذراعي ‏ حلو المراجل شربته تاركٍ مره ‏وملبي الواجبه لا صوت الداعي ‏لي راس ظرف الزمان الشين ما ضره ‏مولود هيبة ملوك ورحمة الراعي ‏على النواميس هد ويعشق الكره ‏ويمناي تبذز بذور الجود في قاعي ‏وجهي بشوش ٍ مع الاصحاب بالمره ‏والهم لو زارني ما غير اطباعي ‏وملامحي ما تجي لـ الضيق مجتره ‏أضحك لو اني اكيل الهم من صاعي ‏ونفوس الاصحاب مبهوجه و مستره ‏لا اسمعتهم ماتحبه منهم اسماعي ‏ما كل من جر ملحونه على الجره ‏ملزوم اجاريه من فني على ايقاعي ‏النفس ماهي لطرد القول محتره ‏ماني حريصٍ على اللي مالها داعي ‏لو كل عوجا تجي للأذن مفتره ‏ألقف لها ما اهتنيت وزانت اوضاعي ‏أروغ عنها مثل روغ ارنب الحره ‏سيل الخثاريق مايزمي على تلاعي ‏اذني مثل منفذٍ ومسافرٍ مره ‏اختم على السالفة وتمّر مطلاعي

​ .. جوزاء يا نجمة سهر، من ساهرك ما يُلام ‏شعشاع نورك لسجات السهارى.. وفا ‏ياليتني في سماك، وعايشٍ في سلام ‏الأرض من عجّته.. شوفي لحقني سفا! ‏بذرتها طيب، لكن في اراضي لئام ‏مابين صبخا جحود وبين قاعٍ صفا ‏جوزاء.. انا شاعرٍ ماني على مايرام ‏احتاج جرعة قصيده والقصيده شفا ‏الله يهني عيون اللي عيونه تنام ‏ويصبر عيون من نومه لجفنه جفا! ‏البارح الليل راح، ولا هنى لي مقام ‏ليلٍ هجدني ضجر، يسعى بقلبي حفا ‏لاعادت الساعة اللي سمعتني كلام ‏ماقسى من الكلمة الا زفرتي في افا ‏بعض القرايب عن افعالي تحب الصيام ‏إن لاح لي نور صيتٍ.. في سماهم طفا! ‏موج الحسد ليه؟ بقلوب القريبين زام ‏حنا غفينا.. وابو مره  "ترى"  ما غفا! ‏ما كل صمتٍ خضوع.. وكل صدِّ انهزام ‏هدي النّبي.. نعطي العوجا يا جتنا قفا! ‏وانا على كثر ضوضاهم.. ما جاهم ملام ‏صدر الشمالي لزلات القرايب.. رفا ‏ببقى انا متكل بالله، واشد الحزام ‏وان جاوب الوقت بالتوفيق.. عني كفا ‏ما ضر خشم الأصايل ركضها بالعسام ‏واللي عثر وانتهض.. ماهو مثل من هفا ‏بُكرى يحقق لي الله مطلبي والمرام ‏يا بارد الوجه! وجهي جاك منّه دفا ‏إن طِبت؟ هذي لربعي من خوال وعمام...

 .. شُفُوف العظيم عظَام، وتجسّر افكاره ‏يعيش الخيال إبريق مع مارد المصباح ياصدر الشمال افتح عن الضيقه زراره لعلّ الخيال يسوي لبالك استصلاح ‏سما الحلم، لو لك بالمطارات طيّاره ‏وصلتك! لعلّ الحظ يلقى معك مفتاح ‏على الله تيسيري، وانا في رجا بشارة ‏تِزيح العنا، والبس نعيم الهنا مرتاح! ‏تِبَلَّتنِي الأزمات: غارة ورى غارة ‏وانا فارسٍ حظّه يِثوِّر عليه سلاح ‏الاصحاب: بوّاره، والايام: غَدّارة وانا الواضح اللي مايبي زايد استيضاح ‏أنا « شجرةٍ »وطيورها خلّت اسراره ‏على غصني اللي يصرف انتاجه الفلاح ‏يا فلاح، غصني مدّ لك أطيب اثماره واشوفه غدى للفاس مقضب وساقي طاح ‏وانا كالبحر يعطي، ولا رَدّ سنّاره ‏وعابوا كريم الماء بأنّه كثير املاح! ‏خذوا عنبري زاكي معه لول محّاره ‏وقيل: «البحر غدّار…ما يآمنه مَلّاح!» ‏وانا هيل دلّة «كيف»، من هو شَعَم ناره؟ ‏أفِلّ الحجاج، وخاطر الحاضرين انساح! ‏أنَوِّمِس مضيف اللي، فتح للعرب داره ‏وقالوا: سبب علتهم الهيل يامن فاح!! ‏سما الحلم… باحلم فيك تارة ورى تارة ‏عن الواقع اللي مدّ لي خيبتي بأقداح! ‏خذيت «آب» في قلبي، وتأقلمت بغباره ‏وأنا أحتاج «ديسمبر»، واظنّه عليّ شَحّا...

 .. سوسة ندم.. تاكل ضميري بمسعاه ‏والهم.. قيضه في ربى الروح بكّر ‏لي وجه.. عن مبداه مايندفق ماه ‏وقلبي حصين.. عن الردى ماتهكّر ‏يا وجهي اللي.. ينعرف في مزاياه ‏مبسم ضحوك.. وحاجبٍ ما تعكّر ‏ترى زحازيح النشامى.. هل الجاه ‏اللي بجاهه.. فَكَّت اللي تسكّر ‏اخطو قبل تخطي.. ومالت بممشاه ‏ما طار طيـر.. الا كما طـار وكّر ‏وخطاي.. يوم اخطيت درسٍ عرفناه ‏والشاطر.. اللي في دروسه تفكّر

 .. فواز لاتحدى خويّك على البوح فواز لاتحدى خويّك على البوح البوح خلّانا نحاتي القريحه شفني غريق وماسكلي طرف لوح وما ستفزع المترديه والنطيحه اساير الايام من غير مصلوح وآطى على روس الكلاب النبيحه ربع الرخامه والردا شحتها شوح مالي معاهم لا اتصال وشريحه انا ماخاوي كل دايح وسلتوح اهل الدروب الخايبات القبيحه اللي رفاقتهم على ضحك ومزوح من قام معهم لا تبّاعد مطيحه من لايضمّد جرحك ان صرت مجروح خلّه يولّي بالليال الفسيحه ولا انت طيبك في سما فعلك يلوح تنشد تبي تعطي خويك نصيحه مامن ورى كشف الخفيات مربوح سرّي عميق ولا احد ٍ يستبيحه اناطح الشدّات والهم والنوح ربي ولا غيره بيقدر يزيحه حتى ولو طالت وسوّت لها صروح اصمد كما تصمد نمورٍ جريحه اقلط عليها في ذرى مرسل ٍ نوح الضعف ماهو للقلوب الصحيحه واما الفخر والعز !! معنا لها روح وايديننا بالطيب ماهي شحيحه يوم انها مابين مادح و ممدوح انا سليل اهل العطا والمنيحه انا ولد من هو معاميله اتفوح ابوي كاسب بالفعايل مديحه على سما جزل النواميس له ضوح مدهال بيضان الوجيه الفليحه  ولا انت طيبك في سما فعلك يلوح

  .. اِستمطِر النفع مني مانت نافعني ‏الواهب الله.. وانا عبدالله الشاكر ‏الله عن الشح واهل الشح رافعني ‏سبحانه اللي عساني عبده الذاكر ‏اعرِف نفاق المدايح لا تسامعني ‏الاذن تعرف قراح القول والعاكر ‏تنخى وتمدح تظن المدح خادعني ‏ماتدري ان الكريم يجامل الماكر ‏اخدع خداعك حرام انه يواجعني ‏في وجهك الليل يلقى صبحي الباكر ‏كل ماتبي تخدع المطنوخ راجعني ‏خذ نية الخير درس ومنها ذاكر ‏انا عذوق النخل و الكل قادعني ‏وماضر تمر النخل لو ينكره ناكر

الجمال المسمى فيك، منك وإليك قلتها من ضمير اللي يشوف كتبّه ‏قدرة الله تجلت في حلا وجنتيك كيكتينٍ بوجهك شايلتها رقبّه ‏خطوتك بالهداوة ما تجي بالدبيك ‏للغنج تشرح أوضاع الدلع ل عربّه ‏وان مشيتي بطريقك، كل شيٍ يبيك ‏سقف بيتك تمنى لو يكون عتبّه ‏والأثاث بجلوسك مستعد يحتريك ‏كل قطعة دعاها ربنا لي جبّه ‏ولا تمثنيتي عودك، كل نسمة تجيك ‏كنها تقول: عطره بالهوى تسكبّه ‏والنحل لو تطعم من حلا سكريك ‏دم عرقك وريقك كان جاء وشربّه ‏والسماء فوق راسك واقفة وتحميك ‏عن سموم الدهر، من شرقه لمغربه ‏تاكل الغيم شمسك، ما تبي تصطليك ‏وتمسح الارض ظلك، ما تبي لك شبّه ‏مقدر أقول والله: ميّت القلب فيك ‏بس قلبي غدى لك جمرةٍ بحطبّه.

🔶- كنت اقول في يوماً من الأيام : تفضلي يامرحبا بين الاضلاع هذا مكانك دام قلبك مكاني صكك لحالك مايجي صكك مشاع ملكك هنّا بين الضلوع المحاني مشاعري ماهي بتشرى وتنباع الله على ساحل غرامك رماني فتوى محبه مستحبه بالاجماع جوارحي افتت بها من لساني ياراس مالي في حياتي والاطماع انتي ولا غيرك جماله خذاني لاتتركين اللي على شانكم باع اعز واغلا ماملكت بزماني انتي السحاب اللي روى ضامي القاع وانا الربيع اللي سحابك سقاني 🔶- أما اليوم أصبحت أقول : كل ٍ يوادع من محبينه وداع وانا وداعك ماتهيا وجاني رحتي مراويح النداوي اذا ضاع من كف صقار ٍ يعد الثواني وتلخبطت كامل حياتي والاوضاع ياليت ربي من قساتك عطاني هبهبت لك من واحة الحب ذعذاع وانتي هبوبك حر قيض ٍ شواني وصفيت لك كلي بلا زيف وخداع لا واحسايف ليت فادك حناني وتولجوني بين شامت وطمّاع وانا العزيز اللي يذم الهواني الله ياجرني على قلّ الاسناع وعلى السنين اللي مضت مع اناني

  يا صاحبي! لو توالي الناس ما والو يا صاحبي! لو توالي الناس ما والو مسافة البُعد لا تنقص لهم شبره.   لا ترخي السمع! إن قالوا أو احتالو، ولا تأمن إلا الذي يرقد وسط قبره.   وإن شفتهم دون سبّه يمّك انهالو، حولك طمع! سيل الأرياق من كبره.   وإن كان حبّك مثل حبّي، فلا طالو، من يعذل الحب فينا… ينتهي صبره!   وش هو يضر الغلا؟ حتى إذا قالو، عذالنا في علاقتنا… بدت نبره.   ما طفّف الحب غير أهله إذا اكتالو، وما يازن الحب كود اللي خذا خبره.   لا تنجرف بالسؤال! إن كانهم سالو، وتصير خيطٍ مكانه في قفى الإبره.   من مال دربه! عليه الناس ما مالو، وما ينطمع بالعظام اللي بلا هبره.   حنا نشيل الغلا من عرض ما شالو، وحنا نحافظ عليه… ونحسن الدبره.   وإن قالو الخلق فينا اليوم ما قالو، يا الله! نخط الهوى من دمّنا حبره.