انا عذوق النخل و الكل قادعني
..
اِستمطِر النفع مني مانت نافعني
الواهب الله.. وانا عبدالله الشاكر
الله عن الشح واهل الشح رافعني
سبحانه اللي عساني عبده الذاكر
اعرِف نفاق المدايح لا تسامعني
الاذن تعرف قراح القول والعاكر
تنخى وتمدح تظن المدح خادعني
ماتدري ان الكريم يجامل الماكر
اخدع خداعك حرام انه يواجعني
في وجهك الليل يلقى صبحي الباكر
كل ماتبي تخدع المطنوخ راجعني
خذ نية الخير درس ومنها ذاكر
انا عذوق النخل و الكل قادعني
وماضر تمر النخل لو ينكره ناكر
تعليقات
إرسال تعليق