ضجيج الطواري

​..

ضجيج الطواري يعلن الليلة استنفار
ضجيج الطواري يعلن الليلة استنفار
‏يدور إجابات.. لسؤالٍ خذا فكري

‏مناخه سموم الصيف، حر وهبوب غبار
‏تطايَر عجاجه في حنايا قفص صدري

‏تشوف السوافي داخلي ترسم الآثار
‏بعضها بها ادري، بعضها بها مدري

‏على الله يا مزنة فرح سيلها هدّار
‏يقشّ الضجر وافكار سوداء علي تطري

‏أدور ذهيبه لو تجي تمسح الأكدار
‏إجابه تجي تزرع امل ضاع من سطري

‏من اللي حضوره طيف غطى على الحضّار
‏فلا غاب عن بالي، ولا غاب عن شعري

‏على صدق حبي له، متى للّقى يختار؟
‏أبحيا معه مَيّت.. وانا ماني بقبري

تعليقات

إرسال تعليق

المشاركات الشائعة من هذه المدونة

حمدتك من الخبزه الى جغمة الببسي

​.. عسى لقمة الغيبة ما يعتاشها ضرسي طواحين خلق الله على الخلق ضرّاسه غدت لحمة المسلم موائد بني جنسي على شفّة الفنجال ومراشف الكاسه لساني رهين الصمت وشفاي له حبسي ولا اكون مع من خاض فيها بمجلاسه انا خاشي المعبود جهري مع الهمسي سعيد الذي خوفك ياذ الجود هوجاسه لك الحمد ماتصدح تهاليل في حسّي لك الحمد ياللي ترسل الجند عسّاسه حمدتك من الخبزه الى جغمة الببسي الى النسمه اللي بالهوى نشهق انفاسه إلهي واعنّي للذكر واجعله غرسي في دارٍ جناها من تهاليل غرّاسه وتراتيل قرآنك مع فروضي الخمسِ وعبدالله ثياب العبادات لبّاسه أقصّر مع الطاعه واجاهد هوى نفسي عسى الله يكفيني ملذات وسواسه شياطين جن وجندت غافل الإنسي تِشبّ الفتن وقليّل الدين مقباسه وانا عبدك اللي جاك تايب عن الأمسِ عظيم انت يااللي ماعلى بابك حراسه رجيت الرضا ياخالق العرش والكرسي على من خشاك وجاك ومطأطٍ راسه
قراءة المزيد

اطيب حلالي

يالله اني طالبك.. يا ذا الجلالي رحمتك يارب.. ب إحسان ومروفه تاهت احوالي.. ولابه راس مالي غير ربٍ.. نعبده.. ولا نشوفه يا إلهي.. لا تخليني لحالي يوم صدري ضاق وهمومه تحوفه احمّني.. مالي سوى رحماك.. والي واسقني.. من جود مدّاتك رشوفه اكفني يا ربّ عن حاجة سؤالي للوضيع اللي يسوّي لي بروفه ياخذ الحاجه معي بلسان حالي والنوايا.. غير ما تنطق حروفه خوّته دايم على درب الملالي يتّقي والسم مخفي وسط جوفه المواقف.. طيّحت كم وجه غالي لابسٍ شكل الخوي سارق وصوفه ممتطي له.. مجهمٍ حردا جفالي عسرةٍ.. وطباعها ماهي ولوفه ولا أنا.. مطيتي لي راس مالي مغترٍ.. تشمخ على الغير بوقوفه من ملكها.. خطوته ميسور فالي يقطع الغدراء بها.. ما بان خوفه امتعلّي.. في سنام أطيب حلالي فوق وضحاء.. نقوة الزين وعطوفه وردتنّي.. جمّة البير الزلالي والدغالب.. والوحل.. عجلا تطوفه بالإله المعتلي.. ربي اتكالي ثم فيها.. والزمن.. ندحم ظروفه ما أخاف.. من الجفا والإنخذالي من صفا قلبه.. فلا ذاق الحسوفه قالوا أهل العرف.. من أول وتالي باذل المعروف.. يحميه امعروفه ومن جميلي.. باني لي قصر عالي ومستظلٍ في ظلال العز روفه ما رجيت الناس.. لو أبقى لحالي...
قراءة المزيد

ما كل صمتٍ خضوع وكل صدِّ انهزام

​ .. جوزاء يا نجمة سهر، من ساهرك ما يُلام ‏شعشاع نورك لسجات السهارى.. وفا ‏ياليتني في سماك، وعايشٍ في سلام ‏الأرض من عجّته.. شوفي لحقني سفا! ‏بذرتها طيب، لكن في اراضي لئام ‏مابين صبخا جحود وبين قاعٍ صفا ‏جوزاء.. انا شاعرٍ ماني على مايرام ‏احتاج جرعة قصيده والقصيده شفا ‏الله يهني عيون اللي عيونه تنام ‏ويصبر عيون من نومه لجفنه جفا! ‏البارح الليل راح، ولا هنى لي مقام ‏ليلٍ هجدني ضجر، يسعى بقلبي حفا ‏لاعادت الساعة اللي سمعتني كلام ‏ماقسى من الكلمة الا زفرتي في افا ‏بعض القرايب عن افعالي تحب الصيام ‏إن لاح لي نور صيتٍ.. في سماهم طفا! ‏موج الحسد ليه؟ بقلوب القريبين زام ‏حنا غفينا.. وابو مره  "ترى"  ما غفا! ‏ما كل صمتٍ خضوع.. وكل صدِّ انهزام ‏هدي النّبي.. نعطي العوجا يا جتنا قفا! ‏وانا على كثر ضوضاهم.. ما جاهم ملام ‏صدر الشمالي لزلات القرايب.. رفا ‏ببقى انا متكل بالله، واشد الحزام ‏وان جاوب الوقت بالتوفيق.. عني كفا ‏ما ضر خشم الأصايل ركضها بالعسام ‏واللي عثر وانتهض.. ماهو مثل من هفا ‏بُكرى يحقق لي الله مطلبي والمرام ‏يا بارد الوجه! وجهي جاك منّه دفا ‏إن طِبت؟ هذي لربعي من خوال وعمام...
قراءة المزيد